ང་ཚོའི་ལས་ཀ་དང་ལས་བསམ་པའི་བྱ་བ།

 

• སློབ་གྲྭ་ཆེ་འབྲིང་ཆུང་གསུམ་དུ་ཡོད་པའི་བོད་རིགས་བྱིས་པ་ཚོར་གུང་སེང་སོགས་དུས་ཚོད་ནམ་ཡོད་ལ་བོད་སྐད་སློིབ་ཁྲིད་བྱེད་རྒྱུ།

• ས་གནས་ཡུལ་མི་དང་མི་རིགས་གཞན་པའི་ནང་བོད་ཀྱི་སྐད་ཡིག་ལ་སྦྱོང་འདོད་ཡོད་མཁན་ཚོར་སློབ་སྦྱོང་གི་མཐུན་རྐྱེན་བསྐྲུན་རྒྱུ།

• ཆོས་ལུགས་རིས་མེད་ཀྱི་མི་རྣམས་ལ་སྒོམ་རྒྱག་སའི་ཆ་རྐྱེན་བསྐྲུན་རྒྱུ།

• གོང་ས་རྒྱལ་བ་རིན་པོ་ཆེ་གཙོས་པའི་བོད་ཀྱི་བླ་ཆེན་དང་དགེ་བཤེས་མཁས་པ་ཁག་གདན་འདྲེན་ཞུས་ཏེ། ས་གནས་མི་དམངས་ལ་ནང་སེམས་ཀྱི་ཞི་བདེ་བསྐྲུན་ཐབས་སྐོར་ལ་བཀའ་སློབ་དང་ལམ་སྟོན་གནང་དུ་འཇུག་རྒྱུ།

• སུད་སི་ཙམ་མིན་པར་ཁྱིམ་མཚེས་རྒྱལ་ཁབ་ཁག་གི་མི་སེར་སུ་ལའང་དབྱེ་ཁྱད་མེད་པར་གོང་གི་མཐུན་རྐྱེན་ཁག་བསྐྲུན་ཐབས་བྱེད་རྒྱུ།

• བོད་ཀྱི་ཆོས་དང་རིག་གཞུང་ལ་མཁས་པའི་ནུབ་ཕྱོགས་ཀྱི་ཁྱད་མཁས་མི་སྣ་གདན་འདྲེན་ཞུས་ཏེ་བོད་དང་འབྲེལ་བའི་གནས་ཚུལ་སློབ་སྟོན་གནང་དུ་འཇུག་རྒྱུ།

• བོད་ཀྱི་ལོ་སར་དང་དུས་ཆེན་ཁག་ཏུ་དོ་སྣང་ཡོད་པའི་ས་གནས་ཀྱི་མི་རིགས་རྣམས་དུས་སྟོན་ལ་མཉམ་རོལ་གནང་དུ་འཇུག་རྒྱུ།

• བོད་ཀྱི་སྲོལ་རྒྱུན་ལ་ཡོད་པའི་གླུ་གར་དང་རོལ་དབྱངས། ཞབས་བྲོ། དེ་བཞིན་འཆམ་སོགས་ཀྱི་དུས་སྟོན་བཀོད་སྒྲིག་བྱེད་རྒྱུ།

• ནུབ་ཡུ་རོབ་ཏུ་གནས་སྡོད་བྱེད་པའི་བོད་ཀྱི་རི་མོའི་སྒྱུ་རྩལ་བ་ཚོར་རི་མོ་འགྲེམས་སྟོན་གྱི་གོ་སྐབས་འབུལ་རྒྱུ།

• དུས་ཚོད་ནམ་ཡོད་ལ་བོད་དང་འབྲེལ་བའི་གློག་བརྙན་དང་གཟིགས་འབུལ་ཞུ་རྒྱུ།